قسقا خەۋەر:دوختور مەمەت ئېمىن ئەپەندى ئامېرىكا ئۇيغۇر ئاكادېمىيەسىنىڭ رەئىسى بولۇپ سايلاندى
مەنبەسى: ئۇيغۇر ئاكادېمىيىسى
ئامېرىكا ئۇيغۇر ئاكادېمىيىسى قۇرۇلغىنىغا 7 يىل بولغان ۋاقىتتا 2025 يىلى 8-ئاينىڭ 12 كۈنى ئاكادېمىيە نىزامنامىسىگە ئاساسەن، ئاكادېمىيەنىڭ ھەيئەت ئەزالىرى ۋىدىئولۇق يىغىن ئۆتكۈزۈپ، مەزكۇر ئاكادېمىيەنىڭ 4-نۆۋەتلىك رەئىسىنى سايلاپ چىقتى. دېمۇگراتىك ۋە ئادىل ئۇسۇلدا ئېلىپ بېرىلغان سايلامدا كۆپ سانلىق ئاۋاز بىلەن ئامېرىكا كولۇمبىيە ئۇنىۋېرسىتېتىنىڭ تەتقىقاتچىسى، تىببىي پەنلىرى دوختورى مەمەت ئېمىن ئەپەندى ئامېرىكا ئۇيغۇر ئاكادېمىيىسىنىڭ 4-نۆۋەتلىك رەئىسى بولۇپ سايلاندى.
دوختۇر مەمەت ئېمىن، 1999 – يىلىدىن ئېتىبارەن ئامېرىكانىڭ نىيويورك شەھەرىگە جايلاشقان كولۇمبىيا ئۇنېۋىرسىتېتى تىببىي تەتقىقات مەركىزىدە تىببىي تەتقىتقات بىلەن شۇغۇللۇنۇپ كېلىۋاتقان بولۇپ، بۇ جەرياندا ئو ئۆزىنىڭ تەتقىقاتى بىلەن مۇناسىۋەتلىك كۆپلىگەن ئىلمىي ماقالىلارنى ئىلان قىلغاندىن باشقا، مىللەتنىڭ روھىي ۋە جىسمانىي ساغلاملىق سەۋىيەسىنى يۇقۇرى كۆتۈرۈش ئۈچۈن كۆپلىگەن ماقالىلەرنى يىزىپ ئىلان قىلىش بىلەن بىرگە، ئۇيغۇرلار ئىھتىياجلىق ساھەلەردە مۇناسىۋەتلىك تېمىلاردا لىكسىيەلەرنى سۆزلەپ كەلمەكتە.
