ئىستانبۇلدىكى ئۇيغۇرلار ب ب س قانىلىغا گۇۋاھلىق بەردى.

ئىستانبۇلدىكى ئۇيغۇرلار ب ب س قانىلىغا گۇۋاھلىق بەردى.

ئۇيغۇر ئاگىنتلىقى

ئۆز مۇخبىرىمىز ئازات خەۋىرى

18- ئاپرىل، دۇنيادىكى ئەڭ داڭلىق ئاخبارات قانىلى بولغاننىڭ ۋەتىنىمىزگە بېرىپ، لاگىرلار ھەققىدە خەۋەر ئىشلىگەن داڭلىق ب ب س مۇخبىرى جون ئەپەندى ۋە ئۇنىڭ خىزمەت گۇرۇپپىسى، ئىستانبۇلنىڭ ئۇيغۇرلار ئەڭ كۆپ ئولتۇراقلاشقان زەيتىنبۇرنۇ رايونىدا پەرزەنتلىرى ۋەتەندە قېلىپ جەم بولالمىغان ئاتا-ئانىلارنىڭ دەرتلىرىگە قۇلاق سالدى.

گۇۋاھلىق بېرىش پائالىيىتىگە تەخمىنەن يۈز ئەتراپىدا كىشى كەلگەن بولۇپ، پەرزەنتلىرىدىن ئايرىلغان ئاتا-ئاتا ئانىلاردىن سىرت، ئائىلە ئەزالىرى ۋە باشقا ئۇرۇق- تۇغقانلىرى لاگىرغا ياكى تۈرمىلەرگە سولانغان كىشىلەرمۇ ئاكتىپلىق بىلەن گۇۋاھلىق بەردى.

گۇۋاھلىق بېرىش پائالىيىتى ئالتە سائەتتىن ئارتۇق داۋاملاشقان بولۇپ، گۇۋاھلىق بەرگۈچىلەر ۋەتەندە زۇلۇم چېكىۋاتقان ئۇرۇق -تۇغقانلىرىنىڭ ۋەقەلىكلىرىنى بايان قىلىپ كۆز يېشى قىلىشتى. مۇخبىرلارمۇ قاتتىق تەسىرلەندى ۋە ئۇيغۇرلارنىڭ دەرتلىرىنى دۇنياغا ئاڭلىتىش ۋە خىتاي زۇلۇمىنى توختۇتۇش ئۈچۈن قولىدىن كېلىشىچە ئەڭ ياخشى خەۋەر ئىشلەيدىغانلىقىنى بىلدۈرۈشتى.