ختتاي «يەكەن،چاقىلىق، كېرىيە، تۇمشۇق» قاتارلىق تۆت جايغا يېڭى ئايرۇدۇرۇم سالغان، مەقسەت ختتاي كۆچمەنلىرىنى تىز سۈرئەتتە كۆچۈرۈش!
خىتاي دائىرىلىرى يەكەن،چاقىلىق، كېرىيە، تۇمشۇق قاتارلىق تۆت جايغا يېڭى ئايرودروم سالغان. مەقسەت خىتاي كۆچمەنلىرىنى تىز سۈرئەتتە كۆچۈرۈش!
تۇرسۇنجان
ئۇيغۇر ئاگېنتلىقى 2022-يىلى 26-ئاۋغۇست
خىتاي دائىرىلىرى شەرقى تۈركستان-ئۇيغۇرىستاننىڭ تۆت ناھىيە شەھىرىگە يېڭى تۆت ئايرودروم سالغان بولۇپ، بۇلار ئايرىم -ئايرىم ھالدا، يەكەن، چاقىلىق،كېرىيە، تۇمشۇق قاتارلىق جايلار ئىكەن.
خىتاي كومپارتىيەسى نۆۋەتتە ئۇيغۇرىستاننىڭ ھەر قايسى شەھەرلىرىدە 22 دانە پۇقراۋى ئايرودروم قۇرغان بولۇپ، خىتاي بۇنى ئۆزىنىڭ يېڭى يىپەك قۇرۇلۇشىنىڭ بىر تۈرى سۈپىتىدە « ھاۋا يىپەك يولى» دەپ ئاتىغان.
خىتاي دائىرىلىرىنىڭ ئاشكارىلىغان پىلانىدا 2030-يىلىغىچە جەمئىي ئايرودروم سانىنى 37 گە كۆپەيتىش ئىكەن.
ئامېرىكىدىكى ئۇيغۇر زىيالىيسى دىلمۇرات ئۇيغۇر ئاگېنتلىقىغا مۇنداق دېدى: « خىتاينىڭ بۇنچە كۆپ مەبلەغ سىلىشى ۋەتىنىمىزگە بولغان مۇستەملىكىسىنى كۈچەيتىش شۇنداقلا كۆپلىگەن خىتاي كۆچمەنلىرىنىڭ ۋەتىنىمىزگە يەرلىشىش قەدىمىنى تېزلىتىشتىن ئىبارەتتۇر.»
