ئامېرىكا باشچىلىقىدا ب د ت دا ئۇيغۇر مەسلىسى مۇھاكىمە قىلىنماقچى، خىتاي ئۆز ئىتتىپاقداشلىرىنى قاتناشماسلىققا چاقىردى.

ئافراسىياپ
ئۇيغۇر ئاگېنتلىقى، 2021- يىلى 8- ماي

ئامېرىكا، گېرمانىيە، ئەنگىلىيە، ئاۋاستىرالىيە باشچىلىقىدىكى دېموكراتىك ۋە ئەركىن دۆلەتلەر ئالدىمىزدىكى ھەپتە ب د ت دا مەخسۇس ئۇيغۇر مەسلىسى بويىچە مۇھاكىمە يىغىنى چاقىرماقچى. خىتاي ئۆزىنىڭ بارلىق ئىتتىپاقداشلىرىغا خەت يېزىپ، يېغىنغا قاتناشماسلىقنى تەلەپ قىلدى. مۇسۇلمان دۆلەتلەر ھازىرغىچە خىتاينىڭ ئۇيغۇر قىرغىنچىلىقىنى ئىزچىل قوللاپ، خىتاينىڭ رادىكالىزىم ۋە تېررورىزىمغا قىلىۋاتقان ئۇرۇشىنى قوللايمىز، دەپ ئاشكارا ئىپادە بىلدۈرۈپ كەلگەن.

مۇتەخەسسىسلەرنىڭ قارىشچە، بۇ دۆلەتلەرنىڭ بۇ قېتىملىق يېغىنغا قاتنىشش – قاتناشماسلىقى ئۇلارنىڭ يىللاردىن بېرى خىتاينىڭ قىرغىنچىلىقىنى قوللاپ كەلگەن رەزىلىك ماھىيتىنى ئۆزگەرتەلمەيدۇ.