تاھىر ئىمىن «نيۇ-يورك ۋاقىت گېزىتى»گە: كومپارتىيە قۇرۇلتىيىدىكى ئۇيغۇرلار ھەقىقىي ئۇيغۇر مىللىتىگە ۋەكىللىك قىلالمايدۇ
تاھىر ئىمىن «نيۇ-يورك ۋاقىت گېزىتى»گە: كومپارتىيە قۇرۇلتىيىدىكى ئۇيغۇرلار ھەقىقىي ئۇيغۇر مىللىتىگە ۋەكىللىك قىلالمايدۇ
ئۇيغۇر مۇخبىر
ئۇيغۇر ئاگېنتلىقى 2022-يىلى 17-ئۆكتەبىر
خىتاي كومپارتىيەسى 16-ئۆكتەبىر كۈنى بېجىڭدا 20-نۆۋەتلىك قۇرۇلتاينى باشلىدى، بۇ قۇرۇلتاي پۈتۈن دۇنيانىڭ دىققىتىنى تارتماقتا. «نيۇ-يورك ۋاقىت گېزىتى» مەزكۇر قۇرۇلتاينى نەق مەيدان تارقىتىۋاتقان ئاساسلىق ئاخبارات ۋاسىتىلىرىدىن بىرى بولۇپ، قۇرۇلتايغا قاتنىشىۋاتقان ئۇيغۇر ۋەكىللەر ھەققىدە، ئۇيغۇر ئاگېنتلىقى( ئۇيغۇر تايمىز»)قۇرغۇچىسى تاھىر ئىمىن ئۇيغۇرىئاننىڭ سۆزلىرى مەخسۇس خەۋەر قىلىندى، نيۇ-يورك ۋاقىت گېزىتىدە مۇنداق يېزىلغان: «ئامېرىكىدىكى بىر ئۇيغۇر پائالىيەتچى كومپارتىيە قۇرۇلتىيىنى تەنقىد قىلدى، ئۇ قۇرۇلتايغا قاتنىشىۋاتقان ئۇيغۇر ۋەكىللىرىنىڭ ئىشەنچلىك ۋەكىللىك سالاھىيىتى يوق» دېدى.
ۋاشىنگتوننى مەركەز قىلغان ئۇيغۇر تايمىز (ئۇيغۇر ئاگېنتلىقى)قۇرغۇچىسى تاھىر ئىمىن يەنە مۇنداق دېدى:«خىتاي كومپارتىيەسىنىڭ ھۆكۈمرانلىقى ئاستىدىكى ئۆتكەن 70 يىللىق تەجرىبىمىزدىن شۇنى بىلىمىزكى، خىتاي ھۆكۈمىتى بىر قىسىم ئۇيغۇرلارغا سەھنە بەرگەندە،ئۇلارنى ئۇيغۇر خەلقىگە قارشى تەشۋىقات ئۈچۈن ئىشلىتىدۇ ».
